വൈരുദ്ധ്യങ്ങൾ

നിൻറെ നിശ്വാസങ്ങളെനിക്ക്
അനുഭവിക്കാമായിരുന്നു.
നിന്നിൽ  നിന്നും, നീപോലുമറിയാതെ
അദൃശ്യമായൊരു നൂൽപ്പാലം
എന്നിലേക്ക് അലസമായി
നീണ്ടുകിടന്നിരുന്നു ,
തെന്നിത്തെറിക്കുന്ന   നിശ്വാസങ്ങൾ
എന്നിലേക്കെത്താൻ വിസമ്മതിക്കുന്നതും
എനിക്കറിയാമായിരുന്നു .
എന്റെ കാല്പനികമായ ശരികൾ
എവിടെയോ വഴിമുട്ടിക്കിടക്കുന്നുണ്ടാവാം !
അയഥാർഥമായ യാഥാർധ്യങ്ങൾ  
നമുക്കിടയിലുള്ള ദൂരതിന്റെ
കടലാഴങ്ങളെ
മുങ്ങാംകുഴിയിട്ട്,
തുരന്നു വീർപ്പിച്ചുകൊണ്ടെയിരിക്കുന്നു ..
എന്റെ ചിന്തകൾക്ക് മീതെ
രണ്ട്  അപ്പുപ്പൻതാടികൾ
നിലവിട്ടു പറക്കുന്നു .....

സംഗീത