മരണം

മരണം
പുകയുന്ന ചന്ദനത്തിരികളുടെ ഗന്ധമാണ് ,
പകുത്ത നാളികേരത്തിന്റെ
നനവുവറ്റിയ വെളുപ്പാണ് ,
ഓട്ടുവിളക്കിലെ
കരഞ്ഞുകത്തുന്ന തിരിയാണ്,
ഉടൽമൂടിയ പുതുവസ്ത്രമാണ് ,
അടയാത്ത കണ്ണുകളിലെ
പിടയാത്ത ജീവനാണ് ,
നിശ്ചലതയിൽ പാറിനടക്കുന്ന
സ്മരണകളുടെ പൊടിപടലങ്ങളാണ് ,
മേഘങ്ങളിലേക്കോ , മൺതരികളിലേക്കോ
പടർന്നുപിടിക്കാനുള്ള തയ്യാറെടുപ്പാണ്,
ഒരിറ്റു കണ്ണുനീരിലൊളിപ്പിച്ച
ചൂടേറിയ സ്നേഹമാണ് ,
ഇന്നില്ല എന്ന തിരിച്ചറിവാണ് ,
മരണം മറവിക്ക്‌ തീറെഴുതിക്കൊടുക്കാൻ കഴിയാത്ത
ഓർമയാണ് ,
മരണം ഓർമയാണ് . 

സംഗീത